我有兩個班主任, 一個是潘老師, 另一個是賴老師, 她們都很友善 ~ 今日一去到玩左一陣玩具, 跟住賴老師就講"老鼠吃香蕉既故事", 老師要我同其他小朋友坐, 媽咪就要同其他小朋友的媽咪坐, 爸爸就在課室門外等候, 我當然唔肯啦, 我好驚呀, 所以我無同其他小朋友坐, 我要坐在媽咪大脾度, 其實得我一個係咁, 其他小朋友都無扭計. 賴老師講講下故事, 我感到好口渴, 於是叫媽咪斟水比我飲。
賴老師講完故事, 我地就去洗手食茶點, 今日係食蛋糕仔, 我吃左兩個之後就無再食啦, 因為我都唔係咁肚餓. 食完茶點, 就出課室外跳舞同埋玩彩虹傘, 話咁快又夠鐘放學, 曾主任話我地乖, 所以會送每個小朋友一張貼紙, 但爸爸同媽咪就要在課室外等我, 我一唔見左爸爸同媽咪, 就喊起上黎
, 老師見到咁, 於日我第一個可以放學.....
媽咪話星期三就唔會有人陪我架啦, 亦唔需要喊, 但D人我全部都唔識, 真係有D驚, 希望我可以唔好再喊啦, 咁爸爸媽咪就會話我好叻仔架啦 ~~
